دم القلم .. على الورق .. ترجـم بكـاي !

شفت الحزين اللي عزف ونة النـاي ؟
وكسا بحور الشعر ..حـزن المعانـي

وألحق على ميل البخت .. ضيعة الراي
واستوقفه حزنه..علـى حـزن ثانـي

مثله أنـا ساعـة تعثّـر بـي خطـاي
مثلـه أنـا حـزة قدرهـم ..رمانـي

دم القلم ..على الورق ..ترجـم بكـاي
وبكاي ..تفـرح بـه مشاعـر زمانـي

نفس الوجيـه اللـي تباشـر بفرقـاي
ونفس المكان اللي غـدر فـي مكانـي

أشوفهـم تهامسوبـي وأنــا جــاي
وأدريبـهـم يغيظـهـم عنـفـوانـي

قمـة سعادتهـم يشوفـون.. بـلـواي
وأحلامهـم تفـرح ..لكبـوة حصانـي

توقعـوا إنـي أجيهـم مـن أقصـاي
وأسمى هدفهـم ..طيحتـي وامتهانـي

وأنا لـك الله همـي بعـرف شـرواي
وإلا هـذولا حقدهـم ..مـا دهـانـي

وإذا نفونـي عالـم الطهـر منـفـاي
وإذا أهمسوبـي ..غلـهـم ماعنـانـي

والله مـا جمعتهـم حولـي ..عـداي
لكـن نجاحـي ..يكرهـه كـل أنانـي

طموحي أكبـر مـن تفاهـات دنيـاي
ومـوال شعري..ماتشيـلـه أغـانـي

وحزن الطريق اللي لفانـي بمسـراي
بيت القصيد .. يزحزحه فـي ثوانـي

وحرف القصيـد اللـي تحلّـم بلقيـاي
حققـت حلمـه ..واحتفـى لا لقانـي

جمّع حروفه ..واحتفـى فـي محيـاي
واستلهـم أفكـار الجمـال ونصانـي

صوت المحبة مصدره همسـة شفـاي
والزيف عمـره مانطـق بـه لسانـي

أدري يغيض قلوبهـم صـدق معنـاي
وبلاغـة حروفـي وقــوة بيـانـي

وخبّرهذاك اللي عـزف ونـة النـاي
هـو الوحيـد اللـي يزعـزع كيانـي

وبشّر هذيـك اللـي تباشـر بطريـاي
إن الشعـور اللـي حواهـا حـوانـي

وآآآآآآو

كلمات رائعه

تقدم في ابداعك