ماقلت أبي قربك ولا قلت مابيك

ماقلت أبي قربك ولاقلت مابيك
*****أفهم شعوري وانت حدد قرارك

أن رحت عني بدعي الله يحميك
*****وان جيتني بقول بالقلب دارك

أوقات مايطري على البال طاريك
*****و اوقات من شوقي اناجي جدارك

و اوقات أخلي كل هالناس واجيك
*****واوقات رجلي تنحرف من مسارك

تسوى الخلايق والخلايق تساويك
*****ليلك يشابه في سمـــايا نهارك

أشتقتلك واهواك وابغاك وارجيك
*****وأكرهك والعن جد لــيل أنتظارك

أزعلك وازعل عليك وارضيك
*****وازعل على نفسي وارد أعتبارك

أهوا شموخك وافتخر في تعاليك
*****والعيد عندي يوم أشوف أنكسارك

ياكم شكرت الحظ يومه نزحه فيك
*****وياكم حسدت من أوله بيت جارك

من هيبتك قلبي يفز لمعاليك
*****ومن قل قدرك صرت أحب أحتقارك

أشوف بك لا أقبلت هيبه مماليك
*****وأشوف بك لاقفيت أقوى المعارك

أغار من حنانك لاضمت أيديك
*****وامشي وخلق الله يمينك يسارك

من رقتك تهوك حتى حكاويك
*****ماتشو بدليات حكيك تبارك

لاجيب تحكي صار زحمه بفكيك
*****كل الكلام يقول خذني لحوارك

أقبل جنون العاشق اللي مباريك
*****وان ما قبلت أنت ناوي دمارك

أبقتلك وادفنك واندبك وابكيك
*****وابرجع أقتلني و اوفيك ثارك

أما حياة تسعد اللي مخاويك
*****ولا ترانا بالممات نتشارك

مابين أبيك وبعض الأحيان مابيك
*****هذا شعوري وانت بيدك قرارك

» بكل عزه نفس مابيك مابيك